Zomi/Zogam

ZOMITE’N BANG HANGIN ZOGAM ZUUN DING                          -Mang Zomi 30th may 2011

Zogam I pianna I pupa luguh phumna mun ahihman in I  kep le zuun ding kisam hi.

Zogam in pau le haam kicing nei I hihman in I puahphat I zuun ding kisam hi

Zogam in ciindaan tuamtuam tampi nei I hhihman in I puahphat le I mainawt sak ding kisam hi.

Zogam sungah gentheih haksat kahna aw ging in zomite hong sam ahihman in zogam I zuun ding kisam hi

Zogam in pasian thupha gualzawlna a ngahte I zuun le kepsiam kisam hi.

Zomiten  nuntak/hinkhua nuam le nuntak/hinkhua hoihzaw zangnuam I hihman in Zogam I Zuun le puahphat kisam hi.

Zogam sungah hatlou te hatsak ut in dinmun kikim lunggulh I hihman in Zogam I Zuun ding hi.

    Ki puahphatna ding le mainawtna ding in I zogam in nang Zomi hong deih in hong ngak ding hi….cikciang in nang na kalsuan diam sanggam!!

 

ZOGAM ZUUN NA AH BANG CHI IN KIZANG DING

Zogam zuun theihna ding in Zomi I hihna I ki tel masak kisam hi.Zomi hihna I kitel na ding in Min tuamtuam hilou in Zo Sisan hizaw hi.behmin le na kisap na min tuamtuam te hang in Zomi hizawlo in na sisan hangin Zomi na hizaw hi.i Zo sisan le Pasian Min taw ding in kalsuan lei kuaten ei hong nang zo ding hiam??

Amasapen in zogam zuun theihna ding in thukhat telsiam/theihsiam kisam hi.

Tuni dong na sep na bawlna, na tunna ciang ciang  Zogam le Zomi hang hi cih tel in theisiam masa in tua ahihman in nasep nabawl na panin  Zogam in bang ana hamphat pih ding  hiam cih ngaihsun khol in Zogam a ding in na septheih le bawltheihte lungsitlou in tuhun mahmah in sem in bawl pah in.

 

Nikhat in nai lang bek ZOMI le ZOGAM a ding in hun zatsawm in(2% bek hi) .

 

Nisim nuntak hunzatna ah a hoihpen in na kiim na kiang te taw kikhawl in hunzat sawm in huh ngaite huh in panpih kisamte panpih in na kiim na kiangte taw kikhawl siam pha mahmah in.

 

Hong  tung nailo mailam thu ding bek ngaihsun lo in tuhun in nasep le bawl kipan lete mailam hunah na muh khiat ding  a gah tampi om ding hi.

 

Zogam khantouhna ding,ki puahphatna ding  le mainawtna ding laigelh in Zomite theisak in, tua in Zogam zuun na cikhat ahi hi.

 

Na khatpeuh na semna a cihtakna le gin-omna taw sem in hahkat mahmah sawm in

 

“Zogam a Ding in ka Semthei,ka bawlthei ding hi” cih ngaihsun in ki muanna taw nasem in.’tupna a om nakle Zogam a ding in a piang theilo bangmah omlou hi’.a piang nailo bek hizaw hi.

 

 

Zodawn a Zomi tampite nek kicinglo, nuntak haksa in a kicing leitungah khodakna ding in ngaihsutna nei nailo uh ahihlam phawk in. electric meivak omlo na khua tampi omlai a,gari/moto tunglo na khua tampi mah omlai hi. Amauten Lantern le meihlah delai uh a khua khatpan khua khat ki thuzakna/komna in khe in pai ngetnget lai uh hi.kum zaa kum sang tampi zatsa singkhua mei in buh le me ding suanglai  uh a leitung nuntakna ding in khua-ul taw  Tupi heipi man in lou bawl sing sat lai uh hi. Kikhenna himhim Zogam a omlo lai bang hi loubawl singsat na in pupa pan I zat uh tupi heipi zat in omlai a leitung a khantouhna tuamtuamte in zomite nuntakna  hong baan pha nailo bang lai hi.

Hih a tung ate a kikhenna le mainawtna a om mateng in I Zogam ki puahpha ngailo  in mailam kalsuan ngailo ding hi. Nang na kuan thei a na sem thei hi. Gamdang a om in na pai zong in Zogam a nuntakna le mainawtna ding na ngaihsun thei in na gelh thei hi. Na pilna le na siamnate I Zogam a ding in hong zang teitei in o sanggam!! Na theihna na laipilnate I Zogam in hong angtan pih in hong ngak ding hi. Nang a ding in na challenging task  Zogam puahphatna le zuunna ahi hi.

 

ZODAWN ZUUNNA AH KIZAT DING DAAN

Zodawn a zomite hamphatna ding in Government lam pan in funds, programmes le welfare schemes tuamtuam te lakhawm in zodawn mite theisak in.

Zogam resources te zat ding dan Zodawn mite sinsak in.

Leitung khantouhna thu tuamtuamte Zodawn mite theisak in. amauten zong mite bawltheih/ septheihte semtheih in bawlthei uh ahihdante theisak in.

Zodawn Puahphat le zuun na ding in NGOs tungding/phuan sawm in panla in.NGOs omsate taw ki thuah in na semkhawm in.

Zodawn mite taw ki khawl in a ciindan, paidaan, ngaihsutna le a nuntakna te uh apan thu tampi zil/sinkhiat sawm inla, tuate puahphat le zuun na ding in hahkat in panla in.

 

 

 

 

 

 

 

 

 

 

 

 

 

 

 

 

 

 

Advertisements
Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s